Spikerin müavini : hərbçilər fəlsəfə və ədəbiyyatı da bilməlidirlər

Hərbi qulluqçular fəlsəfə, ədəbiyyat və dilçilik kimi sahələrdə də bilikli olmalıdırlar. Bunu Milli Məclis sədrinin müavini Ziyafət Əsgərov Milli Məclisdə çıxışı zamanı deyib. 

“Riyaziyyat, fizika, kimya fundamental elmlərdir, məlum məsələdir. Amma hərbi qulluqçunun gözəl məntiqi də olmalıdır. Bu məntiqi fəlsəfə verir. Hərbi qulluqçular özləri də ədəbiyyatı, filologiyanı, dilçiliyi gözəl bilməlidirlər”, - o əlavə edib.

Əsgərov, həmçinin, xüsusi xidmətləri olan hərbçilərə növbədənkənar rütbələrin verilməsi məsələsinə toxunub.

Onun sözlərinə görə, qanunvericilik Müdafiə Nazirliyinə belə rütbələr vermək səlahiyyəti tanıyır və bu sahədə problem yoxdur.

Gülnar Nazimqızı