Azərbaycan İordaniyada kilsəyə silahlı hücumla bağlı başsağlığı verib

Azərbaycan Xarici İşlər Nazirliyi İordaniyanın Karak bölgəsində kilsəyə edilən və insan tələfatına səbəb olan silahlı hücumla bağlı İordaniya Hökumətinə və xalqına başsağlığı verib. Bu barədə xarici siyasət idarəsinin "X" sosial şəbəkəsindəki hesabında məlumat paylaşılıb.

​Bəyanatda ibadət məkanlarına qarşı zorakılıq və mülki şəxsləri hədəf alan hücumlar qətiyyətlə pislənilib, İordaniya xalqı və həlak olanların ailələri ilə həmrəylik ifadə olunub, yaralananlara şəfa dilənib.

​Xatırladaq ki, oktyabrın 23-də naməlum şəxsin Karakda kilsəyə atəş açması nəticəsində 7 nəfər həlak olub, 40 nəfər isə yaralanıb.