İlham Əliyev Tokayevi təbrik edib

Azərbaycan Prezidenti İlham Əliyev Qazaxıstan Prezidenti Kasım-Jomart Tokayevə Respublika Günü münasibətilə təbrik məktubu ünvanlayıb.

Dövlət başçısı məktubunda Tokayevi və onun simasında qardaş Qazaxıstan xalqını təbrik edərək ən xoş arzularını çatdırıb.

İlham Əliyev Qazaxıstanın son illərdə bütün sahələrdə əldə etdiyi nailiyyətləri, iqtisadi potensialının güclənməsini və beynəlxalq nüfuzunun artmasını vurğulayıb.

Prezident iki ölkə arasında müntəzəm qarşılıqlı səfərlərin və yüksək səviyyəli dialoqun strateji tərəfdaşlığın və müttəfiqliyin möhkəmlənməsində mühüm rol oynadığını qeyd edib. O, Azərbaycan-Qazaxıstan əlaqələrinin gələcəkdə də inkişaf edəcəyinə əminliyini ifadə edib.

Dövlət başçısı Tokayevə möhkəm cansağlığı və fəaliyyətində uğurlar, Qazaxıstan xalqına isə əmin-amanlıq və firavanlıq arzulayıb.