Sadır Japarov Prezident İlham Əliyevi Zəfər Günü münasibətilə təbrik edib

Qırğızıstan Prezidenti Sadır Japarov 8 Noyabr – Zəfər Günü münasibətilə Azərbaycan Prezidenti İlham Əliyevə təbrik məktubu göndərib.

Japarov məktubunda İlham Əliyevi və Azərbaycan xalqını Zəfər Günü münasibətilə təbrik edib.

Qırğızıstan Prezidenti qeyd edib ki, bu hadisə uzun illər davam edən münaqişəyə son qoyub və Cənubi Qafqazda sülh, qarşılıqlı anlaşma və sabitliyin möhkəmləndirilməsi üçün əsas yaradıb.

“İnanıram ki, Qafqaz ölkələrinin müdrikliyi və dövlət başçılarının uzaqgörən siyasəti sayəsində region sülh və sabitlik məkanına çevriləcək”, – deyə o bildirib.

Japarov Azərbaycan Prezidentinə möhkəm cansağlığı və dövlət fəaliyyətində uğurlar, Azərbaycan xalqına isə davamlı sülh və tərəqqi arzulayıb.