Əliyev: Azərbaycan və Türkiyənin arasına heç kim girə bilməz

Azərbaycan Prezidenti İlham Əliyev Şuşada Türkiyə Prezidenti Rəcəb Tayyib Ərdoğanla birgə mətbuat konfransında iki ölkə arasındakı birliyin sarsılmaz olduğunu bildirib.

“Bizim birliyimiz, qardaşlığımız sarsılmazdır. Bunu sarsıtmaq istəyənlər arzularına heç vaxt çatmayacaqlar. Heç kimə imkan vermərik ki, aramıza girsin və ya şəxsi maraqları naminə birliyimizə, qardaşlığımıza və həmrəyliyimizə kölgə salsın”, – Əliyev deyib.

O, 44 günlük müharibənin Türkiyə-Azərbaycan birliyini bir daha nümayiş etdirdiyini, yeddi ay sonra Şuşada imzalanan Şuşa Bəyannaməsinin münasibətləri rəsmən müttəfiqlik səviyyəsinə qaldırdığını bildirib