İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyənin İzmir vilayətində metallurgiya zavodunda 17 nəfərin ölümü ilə nəticələnən partlayışla bağlı Türkiyə Prezidenti Rəcəb Tayyib Ərdoğana başsağlığı verib.

İlham Əliyev başsağlığı məktubunda həlak olanların ailə və yaxınlarına, Türkiyə xalqına başsağlığı verib, yaralananlara şəfa diləyib.

“İzmir vilayətindəki metallurgiya zavodunda baş vermiş partlayış nəticəsində çox sayda insanın həlak olması və xəsarət alması barədə xəbər bizi son dərəcə sarsıtdı.

Bu faciə ilə əlaqədar dərdinizi bölüşür, Sizə, həlak olanların ailələrinə və yaxınlarına, qardaş Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.Allah rəhmət eləsin!” – deyə məktubda bildirilib.