Təyyarələrə portretini asdırmaqla dünya ictimaiyyətinin diqqətini çəkən türkmən lider Berdimuhammedov indi də paytaxtın ən böyük meydanında 6 metrlik heykəlini qoydurub.
ANN.Az xarici ölkə mediasına istinadən xəbər verir ki, Türkmənistanprezidenti Qurbanqulu Berdimuhammedov ölkənin paytaxtı Aşğabadın ən böyük meydanında özünə heykəl ucaltdırıb.
Yerli Ahal Teke cinc atlarından birinin üzərinə minmiş halda əks olunan prezident heykəlinin hündürlüyü 6 metrdir. Heykəlin üzərinə 24 ayarlıq qızıl suyu çəkilib.
Heykəlin ucaldılması müxalifətin narazılığına səbəb olsa da, Q.Berdimuhammedovun bundan sonra da bu kimi addımlar atacağı ehtimal olunur. Çünki bundan əvvəl o, bütün təyyarələrdə portretinini asılmasını əmr etmişdi.
Qeyd edək ki, Türkmənistan dünyada təbii qaz ehtiyatına mailk ən böyük ölkədir. Hazırda Rusiyadan sonra Avropaya qaz ixrac edən ölkə siyahısına başçılıq edir.
www.ann.az
Bizi sosial şəbəkələrdə izləyin !
