Qarabağa Avropa şirkətlərinin cəlb edilməsi müzakirə olunub - FOTO
30.05.2023 21:24
İqtisadiyyat nazirinin birinci müavini Elnur Əliyev ölkəmizdə səfərdə olan Avropa İttifaqı Şurasının Şərqi Avropa və Mərkəzi Asiya üzrə İşçi Qrupunun nümayəndə heyəti ilə görüşüb.
Bu barədə İqtisadiyyat Nazirliyi məlumat yayıb.
Nazirin birinci müavini ölkəmizin Avropa İttifaqı ilə əlaqələrə xüsusi önəm verdiyini vurğulayıb, tərəflər arasında münasibətlərin artan dinamikasında ticarət və investisiya sahəsində əməkdaşlığın əhəmiyyətini qeyd edib. Bildirilib ki, Azərbaycan-Avropa İttifaqı əməkdaşlığının, xüsusilə Şərq Tərəfdaşlığı Proqramı çərçivəsində əlaqələrin genişləndirilməsi əhəmiyyətlidir. Avropa İttifaqı ilə müxtəlif proqramlar və layihələr çərçivəsində tərəfdaşlıq müasir yanaşmaların tətbiqi, "yaşıl” və rəqəmsal inkişafa keçidin sürətləndirilməsi baxımından önəm kəsb edir. Görüşdə Azərbaycan iqtisadiyyatı, aparılan islahatlar, işğaldan azad olunmuş ərazilərin bərpası istiqamətində görülmüş işlərlə bağlı məlumat verilib.
Görüşdə Azərbaycan Respublikası ilə Avropa İttifaqı arasında yeni Saziş layihəsinin Ticarət hissəsi və Avropa İnvestisiya Planının icrası ilə bağlı təqdim ediləcək layihə təkliflərinin cari vəziyyəti, Dayanıqlı İnkişaf Məqsədlərinin Azərbaycanda icrası, bərpaolunan enerji mənbələrinə, texnologiyaya və "yaşıl” keçid sahələrinə investisiyalar, işğaldan azad olunmuş ərazilərdə aparılan yenidənqurma işlərinə Avropa şirkətlərinin cəlb edilməsi, qeyri-neft sektorunun diversifikasiyası ilə bağlı aparılan islahatlar və digər məsələlər barədə İşçi Qrupunun nümayəndələri tərəfindən ünvanlanmış suallar cavablandırılıb.
www.anews.az
Foto 
Video 
