"Əsas tapşırıqların tamamlanmaq üzrə olduğu bildirilir. Əvvəllər müəyyən etdiyimiz hərbi hədəflər artıq zərərsizləşdirilib. Bundan sonra isə planlaşdırıldığı kimi, əməliyyatlar daha məhdud miqyasda davam etdiriləcək",- Hacıyev qeyd edib.
Prezidentin köməkçisi vurğulayıb ki, Azərbaycan "əməliyyat barədə Rusiya və Türkiyəni məlumatlandırıb”.
O əlavə edib ki, Azərbaycan prezidenti İlham Əliyev və türkiyəli həmkarı Rəcəb Tayyib Ərdoğan digər məsələlərlə yanaşı, Türkiyə prezidentinin Qarabağ üzrə Ermənistanın iştirakı ilə dördtərəfli formatda danışıqların aparılması təşəbbüsünü də müzakirə ediblər.
Qarabağ əməliyyatının məqsədlərini şərh edən prezidentin köməkçisi bildirib ki, regionun indiki rəhbərliyi uzaqlaşdırılmalı, orada yerləşdirilən erməni hərbçiləri tərksilah edilməlidir.
"Bizim əsas məqsədimiz hərbi infrastrukturu zərərsizləşdirməkdir. Əməliyyat başlamazdan əvvəl Azərbaycan tərəfi radio, televiziya, SMS və digər xidmətlər vasitəsilə dinc əhaliyə təhlükəsizlik tədbirlərinin görülməsinin zəruriliyi barədə məlumat verib.
Sentyabrın 19-da D Qarabağda gərginlik yenidən artıb. Bakı qondarma "yerli antiterror tədbirləri”nə başladığını elan edib və erməni qoşunlarının bölgədən çıxarılmasını tələb edib. İrəvan isə öz növbəsində Qarabağda erməni qüvvələrinin olmadığını bəyan edərək, baş verənləri "genişmiqyaslı təcavüz aktı” adlandırıb. Ermənistan paytaxtının sakinləri Ermənistan hökumət binası yaxınlığında etiraz aksiyası keçirərək, mövcud vəziyyətə görə ölkə rəhbərliyini və baş nazir Nikol Paşinyanı günahlandırıblar.
Gülnar
www.anews.az
Bizi sosial şəbəkələrdə izləyin !
