Qarabağda vergi güzəştləri hamıya tətbiq edilməlidir - Zahid Oruc/VİDEO

 

"Biz faktiki olaraq ərazilərimizin 100% hamısını azad hesab edirik. Belə düşünməliyik. Düşüncələrimizi bu istiqamətdə qurduğumuzda belə də olacaq. Çünki hansısa bir sülhyaradıcı qüvvənin müvəqqəti hardasa olması bu işğaldan azad olunmuş termin ifadəsini yarımçıq qoymur. Onu 93-95 faizdə saxlamır. Hökumət öz mövqeyindən geri durmalı deyil. Biz burada həm də ermənilərin yaşadığı yerlər üçündəmi müxtəlif stimullaşdırıcı və ya güzəştləri nəzərdə tuturuq? Hə deməliyik, çünki biz işğal dövründə erməni milyonçularının gətirib öz sərvətlərini Qarabağa yatırdığını görmədik, Ruben Vardanyan da çirkli pullarını ora xərcləməyəcək.",  - millət vəkili Zahid Oruc Milli Məclisin plenar iclasında Azərbaycan Respublikasının Vergi Məcəlləsində dəyişiklik edilməsi haqqında Azərbaycan Respublikası qanununun layihəsinin müzakirəsi zamanı bildirib.  

 

Millət vəkili həmçinin bildirib ki, Türkiyə ilə azad olunmuş torpaqlarda qurulan ilk birgə biznes layihəsinə qardaş ölkənin şirkətlərinin 120 milyon dollar vəsait yatarıcaqları xəbəri sevindiricidir. 

 

"Coğrafiyanı və xarici investisiyanın axını üçün mühüm proqramları tətbiq etməkdən ötrü uğurlu nümunələri Almaniya da daxil, öyrənməliyik. Nəticələrin uğurlu olması yalnız o bölgələr deyil, bütövlükdə gələcək Azərbaycan üçün uğurlu bir model ola bilər", Zahid Oruc vurğulayıb.

Qanun layihəsinə görə, fiziki şəxs olan istehlakçilar tərəfindən azad edilmiş ərazilə daxilində yerləşmə vasitələri hesab edilən mehmanxanalar tərəfindən göstərilən gecələmə və qalma xidmətlərinə (digər əlavə xidmətlər iistisna olmaqla) görə nağdsız qaydada ödənilən ƏDV-nin 30 faizi, nağd qaydada ödənilən ƏDV-nin 5 faizi geri qaytarılır.

 

Qanun layihəsi üzrə 42 bəndə əsas dəyişiklik edilib.