Qəzada vəfat edən azərbaycanlı biznesmen kim idi?
16.10.2019 12:45
Xəbər verildiyi kimi, oktyabrın 15-də Rusiyada yaşayan uğurlu azərbaycanlı işi adamlarından biri, Çelyabinskdə işləyən Əlişah Süleymanov avtomobil qəzasında həlak olub.
Əlişah Suleymanovun olduğu «Toyota Land Cruiser» idarəetməni itirərək aşıb. Biznesmen aldığı xəsarətlərdən yerindəcə vəfat edib, sürücü xəstəxanaya götürülüb.
Əlişah Süleymanov 1960-cı ildə anadan olub, Azərbaycan inşaat mühəndisləri institutunu bitirib və 1995-ci ildə Çelyabinskə köçüb.
Biznesə fərdi sahibkar kimi, bazarda mağaza açmaqla başlayıb. Ailəli olub, 3 övladı var.
Vəfat edəndə isə Əlişah Süleymanov müxtəlif sahələrdə fəaliyyət göstərən çoxsaylı şirkətləin sahibi olub. Bu şirkətlər şirniyyatdan tutmuş tikintiyədək fəaliyyət göstərir. Süleymanov «Ruslada» ASC-nin də sahibidir.
Süleymanovun öz şirkətləri də şirniyyat istehsal edir. Bunlar «Kolos», «Rusladko», «Malinkin» və Limerick adları ilə satılır.
Ə.Süleymanov daşınmaz əmlakın alış-satışı və kirayəsi ilə məşğul olan firmanın da sahpbi olub.
Süleymanovlar ailəsi Cənubi Uralda rekreasiya və sanatoriya biznesini də inkişaf etdirir. Bir neçə il əvvəl ailə Smolino gölünün sahilində «Solneçnıy bereq» layihəsini reallaşdırıb. Nəticədə istifadəsiz sahil xətti məşdur çimərliyə çevrilib.
www.anews.az
Foto 
Video 
