"Hər bir xəstə klinik protokol əsasında müayinə olunur" - Səhiyyə Nazirliyi

14:05 | 22.11.2013

Son zamanlar doğuş zamanı və ya doğuşdan öncə ana və uşaq ölümlərinin çoxalması bu məsələyə diqqət yetirməyi, bu problemi yenidən ictimailəşdirməyi vacib edib. Əslində problem kifayət qədər ictimailəşib. Artıq mövcud vəziyyətlə bağlı ölkə başçısına qədər müraciət olunub.

Ümumdünya Səhiyyə Təşkilatı doğum evləri üçün müvafiq protokollar hazırlayıb və Heydər Əliyev Fondunun dəstəyi ilə həmin protokollar Azərbaycana gətirilərək doğum evlərinə paylanılıb. Paylanılıbsa, həmin protokollara nə dərəcədə əməl olunur? Əməl olunursa, ana və ya uşaq ölümü halları niyə çoxalıb? 

Səhiyyə Nazirliyinin mətbuat xidmətinin rəhbəri Anar Qədirli ANN.Az-a açıqlamasında bu məsələyə aydınlıq gətirib. Qeyd edək ki, bu mövzuyla bağlı tibb elmləri doktoru, professor Adil Qeybulla öz münasibətini ANN.Az-a fikirlərini bildirib.

Nazirlik yetkilisi Anar Qədirli açıqlamasında ana və uşaq ölümlərini pataloji situasiyalar və həkim səhvi ilə əlaqələndirib: “Klinik protokolun ana və uşaq ölümünə nə aidiyyatı var? Hər bir xəstə xəstəxanaya daxil olanda klinik protokol əsasında müayinə olunur. Bütün proseslər klinik protokola əsasən aparılır. Ana və ya uşaq ölümü baş verdikdə, bu ya hansısa pataloji situasiyalardır, ya da həkim səhvi ucbatından faciə baş verir”.

Seymur

ANN.Az

loading...

Xəbər lenti