İnterpress.az xəbər verir ki, torpaq sahəsi əlindən alınmış E.Hüseynova bu işdə günahkarlardan biri kimi DİN əməkdaşı, polkovnik Qubadov Asif Səmədəli oğlundan şikayətlənib. Müraciətdən sonra nazir Ramil Usubovun tapşırığına əsasən Baş Mütəşəkkil Cinayətkarlıqla Mübarizə İdarəsində polkovnik Asif Qubadovla bağlı istintaq başlayıb. Bundan sonra A.Qubadov həm E.Hüseynova, həm də digər zərərçəkən Leyla Əliyevaya müraciət edərək zərərin ödənilməsinə yardımçı olacağını bildirib. Beləliklə, hər iki şəxsin əlindən alınaraq DİN polkovnikinə satılan torpaq sahələrinin pulu onlara qaytarılacaq. E.Hüseynovanın vəkili Kamandar Nəsibov məlumatı İnterpress.az-a təsdiqləyib. Vəkilin sözlərinə görə, torpaq sahələrini DİN polkovnikinə satan dəllal pulun ödənilməsi üçün oktyabrın 10-dək möhlət istəyib: “Həmin müddətə qədər polkovnikin xanımına və digər zərərçəkənə ödəniş ediləcək. Əks təqdirdə həmin şəxsə qarşı hətta həbs qətimkan tədbiri seçilə bilər”.

ANN.Az