"Rəqib səhvlərimizi bağışlamadı" – Prosineçki

"Hava çox isti idi. Komandamı təbrik edirəm. 8 aydır Azərbaycandayam və bütün oyunları nəzərə alsaq, bu gün ən yaxşı şəkildə oynadılar".

Qol.Az-ın "sportnet.az”a  istinadən yaydığı xəbərə görə, bunu Azərbaycan yığmasının baş məşqçisi Robert Prosineçki deyib.

"Avro-2016”nın seçmə qrup mərhələsində Malta oyun haqda fikirlərini bildirən baş məşqçi bunları söyləyib: "

Rəqib hesabda öndə olan zamanda da hücum futbolu oynadıq. Öz səhvlərimizi bilirəm. Rəqib qapıya 3 dəfə zərbə vurdu və 2-si də qol oldu. Bizdə isə 21 zərbə oldu, amma qol vura bilmədik".

Xorvatiyalı mütəxəssisin sözlərinə görə, Azərbaycan bu qarşılaşmada 2 xal itirib: "Ancaq futbolda belə hallar olur. Səhv edirsən və rəqib səhvləri bağışlamır. Yaxşı çıxışımıza baxmayaraq rəqib səhvlərimizi bağışlamadı. Azərbaycan futbolunu yaxından izləyirəm. Oyuna təkrar baxsaq, millinin gözəl oynadığını görərik. Con Terri kimi futbolçular da səhv edir. Məsələni yorğunluqla əlaqələndirməzdim".

Rahid Əmirquliyevin dublundan danışan baş məşqçi hücum xəttinin çıxışını dəyərləndirib: "Ruslan meydançada çox çalışdı. İkinci qolun son ötürməsini Ruslan etdi. Bu gün Maltanın qapıçısının günü idi. Mən Ruslandan razı qalmışam. Bu istidə belə mübarizə aparan futbolçularla fəxr etməliyik".

Qeyd edək ki, Malta - Azərbaycan matçı 2:2 hesabı ilə başa çatıb.