"Qarabağ" "Karvan-Yevlax"ı böyük hesabla məğlub edib

Misli Premyer Liqasının XXVI turunda "Qarabağ" "Karvan-Yevlax"ı böyük hesabla məğlub edib.

Matç Ağdam təmsilçisinin 7:0 hesablı qələbəsi ilə bitib.

Tofiq Bəhramov adına Respublika stadionunda baş tutan oyunda qolları Leandro Andrade (23, 64), Kamilo Duran (31, 45, 48), Dani Bolt (40) və Abdullah Zubir (43) vurublar.

Çempionluq iddiasını davam etdirən Ağdam klubu 55 xalla ikincidir. Yevlaxlılar 8 xalla sonuncu - 12-ci sırada yer alıb.

Tura aprelin 7-də yekun vurulacaq.