"Azərbaycanlı futbolçular sanki uçurdular" – Oliç

"Azərbaycan və Norveçlə oyunlarda niyə uğurlu nəticələr qazana bilməməyi iz haqda mənə çox sual verirlər. Ancaq bu suala cavab verə bilmirəm".

Qol.Az-ın "Sport-express"ə istinadən yaydığı məlumata görə, bu sözləri Xorvatiya millisinin futbolçusu İvitsa Oliç deyib.

Osiyekdə millimizə böyük hesabla qalib gəldiklərini xatırladan "Hamburq"un 36 yaşlı hücumçusu Bakıda keçirilən oyuna yaxşı köklənə bilmədiklərini bildirib: "Evdə Azərbaycanı 7:0 (oyun Xorvatiyanın 6:0 hesablı qələbəsi ilə başa çatmışdı) hesabı ilə məğlub etmişdik. Amma rəqib meydanında qol vura bilmədik. Bəlkə də səbəb oyuna yaxşı köklənməməyimiz idi. Azərbaycanlı futbolçular isə meydanda  sanki uçurdular. Onlar bizimlə oyuna çox yaxşı motivasiya ilə çıxmışdı. Xeyli qol imaknımız olsa da, yararlana bimədik".

Qeyd edək ki, Xorvatiya millisi Azərbaycan və Norveçlə görüşlərdəki xal itkilərindən sonra qrupda liderliyindən 3-cü pilləyə enib.