Azərbaycan millisi tarixinin ən böyükhesablı qələbəsini qazanıb

Futbol üzrə Azərbaycan millisi "FIFA Series – 2026" beynəlxalq turnirində ilk oyununa çıxıb.

Komanda Sent Lüsiya yığması ilə qarşılaşıb.

Mehdi Hüseynzadə adına Sumqayıt şəhər stadionunda keçirilən görüş Ayxan Abbasovun komandasının 6:1 hesablı qələbəsi ilə yekunlaşıb.

Yığmanın heyətində qolları Emin Mahmudov, Rəhim Sadıxov, Musa Qurbanlı, Toral Bayramov, Vüsal İsgəndərli və Rüstəm Əhmədzadə vurub.

Bu nəticə Azərbaycan millisinin tarixində ən böyükhesablı qələbə olub.

Qarşılaşmanı gürcüstanlı Giorgi Kruaşvili idarə edib.