Azərbaycanda beynəlxalq yaradıcılıq mükafatı veriləcək - ADAMİ

ADAMİ media mükafatı 2015-ci ildə altı kateqoriya üzrə təqdim olunacaq: 

• Əyləncə (bədii) üzrə ADAMİ media mükafatı

• Məlumat (qeyri-bədii) üzrə ADAMİ media mükafatı

• Xəbərlər və qısa qeyri-bədii verilişlər üzrə ADAMİ media mükafatı 

• Gənclər üçün ADAMİ media mükafatı 

• Veb səhifələr üzrə ADAMİ media mükafatı

• Veb videolar üzrə ADAMİ online mükafat

İcraçı direktor Azərbaycan haqqında, bu mükafatın ölkəmizdə tezliklə qazanılacağı və ADAMİ media mükafatı barədə söz açarkən vurğulayıb ki, Bakıya ilk dəfə gəlmir: "İmkan olduqca gəlirəm. Amma buna baxmayaraq Bakı çox dəyişib və gözəlləşib. ADAMİ media mükafatının Azərbaycanda da hansısa bir rejissorun qazanacağına ümid edirəm.  Bu layihənin yaranması elə də sadə olmayıb. 15 ildir "CİVİS” laureatının münsiflər heyətlərindən biriyəm. Sözün düzü, təkbaşına bunun öhdəsindən gələ bilməyəcəyimi düşündüyümdən münsiflər heyəti ilə toplaşıb belə bir media mükafatı yaratmaq qərarına gəldik. Çünki bu tək başına görüləcək iş deyildi. Bu layihənin hazırlanmasında bizlərə Almaniya Xarici İşlər Nazirliyi köməkliyi və dəstəyi çox oldu. Və buna görə də biz artıq 6 ölkədə bu mükafatları vermək hüququ qazanmışıq. ADAMİ media mükafatı haqqında deyə bilərəm ki, bu söz gürcü dilində də, Azərbaycan dilində də məhz insan, "adam" sözlərini özündə əks etdirir. Bu adın seçilməsində əsas məqsəd, insanların bir-birilə olan bağlılığını daha da sıxlaşdırmaqdan ibarətdir. Bu yeni loqonu da son illərdə yaratmışıq”.

Stefan Tols daha sonra qeyd edib ki, artıq 22 ildir Avropada bu mükafat verilir: "Adətən mükafatlandırma Avropanın böyük şəhərlərində keçirilir. Sonuncu mükafatlandırma Brüssel şəhərində olub. Bu həqiqətəndə Avropa çox böyük mükafatlardan biridir. Bu mükafatı qazanmaq üçün www.adamimediaprize.ru xəbər saytına daxil olmaqla öz kiçik filmlərinizi bura göndərmək qalib ola bilərsiniz. Bizim əsas məqsədimiz bu layihə ətrafında yaradıcılıqla məşğul olan gənclərin kənarda qalmaması, hətta onları 1-2 dəqiqəlik filmlərinə dəyər verilməsindən ibarət olacaq".

Tols sonda xatırladıb ki, 25 oktyabr 2015-ci ildə bu layihəyə müraciət tarixinin sonuncu günüdür: "Heç kəsin bu layihədən kənarda qalmasını istəmirəm. Mükafatlandırmaya pul hədiyyələri də əlavə etməyi düşünürük, amma bu planı gerçəkləşdirmək üçün hazırda da sponsor axtarışlarımız davam edir. Dekabr ayının 10-da Tbilisi şəhərində mükafatlandırma mərasimi keçiriləcək”