Qara metal idxalı ixracı 13 dəfə üstələyib

Bu ilin yanvar-fevral aylarında Azərbaycandan xarici bazarlara 6 milyon 602 min ABŞ dolları dəyərində qara metal ixrac edilib, bu, ötən ilin eyni dövrü ilə müqayisədə 14,9% çoxdur.

Hesabat dövründə isə ölkəyə 86 milyon 719 min ABŞ dolları dəyərində qara metal idxal olunub. Bu isə ötən ilin analoji dövrünə nisbətən 23,8% azdır.

Cari ilin ilk iki ayında qara metal ixracı ümumi ixracın 0,18%-ni, idxalı isə ümumi idxalın 3,34%-ni təşkil edib. Dövr ərzində qara metal idxalı ixracı 13,1 dəfə üstələyib.