Obama “Sərhədsiz Həkimlər”dən üzr istədi

ABŞ prezidenti Barak Obama "Sərhədsiz Həkimlər” təşkilatından Əfqanıstanın Qunduz şəhərində yerləşən xəstəxanaya edilən hücumla bağlı üzr istəyib.

Oxu.Az Reuters-ə istinadən xəbər verir ki, bu barədə Ağ evin mətbuat katibi Coş Ernestin bəyanatında deyilir.

"Bu gün səhər prezident Obama "Sərhədsiz Həkimlər” təşkilatının rəhbəri Coanna Lyuya zəng edərək Əfqanıstanın Qunduz şəhərində yerləşən xəstəxanaya edilən hücumda ölən və yaralananlara görə üzrə istəyib və başsağlığı verib”, - bəyanatda bildirilir.

Qeyd edək ki, bundan əvvəl ABŞ müdafiə naziri Amerika hərbçilərinin Əfqanıstanın Qunduz şəhərindəki əməliyyatı kobud səhv adlandırıb.

Xatırladaq ki, Əfqanıstanın Qunduz şəhərində yerləşən xəstəxanaya endirilən aviazərbələr zamanı 19 ölüb, 37 nəfər isə yaralanıb.