QƏFİL SUAL: 18 oktyabr nə günüdür? - ANN.TV
16.10.2015 09:24
ANN.TV-nin çəkiliş qrupu 18 Oktyabr - Azərbaycanın Dövlət Müstəqillik günü ilə bağlı şəhər sakinləri arasında sorğu keçirib. "Qəfil sual" rubrikası çərçivəsində respodentlərə iki sual ünvanlanıb: "18 Oktyabr nə günüdür?" və "Azərbaycanın gələcəyini necə görürsünüz: Avropaya, yoxsa Rusiyaya doğru?"
Şəhər sakinlərinin bu suallara necə cavab verdiyini bilmək üçün video-süjetə baxmaq lazımdır.
18 Oktyabrın nə günü olduğunu bilməyənlər üçün xatırlatma:
Azərbaycan tarixinin ən mühüm hadisələrindən biri məhz 18 Oktyabrda baş verib.
XX ərin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa edib. 1991-ci il oktyabrın 8-də Azərbaycan Ali Sovetinin işə başlanan növbədənkənar sessiyası 4 gün müzakirələr aparıb. Nəhayət, 1991-ci il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilib.
Həmin vaxt aktın lehinə Ali Sovetin 360 deputatından 258-i səs verir, yerdə qalanlar ya sessiyaya qatılmayıb, ya da onun əleyhinə səs veriblər. Konstitusiya Aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir. Konstitusiya Aktı 6 fəsil, 32 maddədən ibarətdir.
1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95%-i səsvermədə iştirak edərək ölkənin müstəqilliyinə, suverenliyinə və istiqlaliyyətinə səs verib.
Azərbaycanın müstəqilliyi bərpa olunandan sonra dövlət bayrağı, himni və gerbi haqqında da qanunlar qəbul edilib.
Hazırladılar:
Zülfiyyə Səfxanova
Şahpəri Abbasova
Oxşar xəbərlər
Oxşar xəbərlər
Foto 
Video 
