"Dünyanın ən yaxşı futbolçusu Messi yox, özüməm"

"Real" (Madrid) klubunun hücumçusu Kriştiano Ronaldo yenidən maraqlı açıqlamaları ilə diqqət çəkib.

Qol.Az-ın məlumatına görə, "El Pais"ə danışan portuqaliyalı futbolçu dünyanın ən yaxşı oyunçusunun elə özünün olduğunu bildirib:

"Messi ilə müqayisə olunmağımdan narahat deyiləm. Son 8 il ərzində hər zaman zirvədə olmuşam. Mənə qazandığım uğurları təkrarlayan başqa birini göstərin. Əgər sən yaxşı iki futbolçudan birisənsə, burada birinciliyi bir neçə detal həll edir. Xüsusən də qazanılan titullar. Ola bilər ki, Messi başqaları üçün dünyanın ən yaxşı futbolçusudur. Ancaq mənim üçün ən yaxşı elə özüməm".