Ərdoğan: Rusiya təyyarəsini biz vurmuşuq

Su-24 Türkiyənin hava məkanını pozub.

Türkiyə prezidenti Rəcəb Tayyib Ərdoğan türkiyəli hərbçilərin Suriya üzərində Su-24 təyyarəsini vurduqlarını təsdiqləyib.

Oxu.Az Gazeta.ru-ya istinadən xəbər verir ki, bu barədə Tvitter-də Bloomberg-in Türkiyədəki müxbiri Fercan Yalınkılıç yazıb.

Rusiya Müdafiə Nazirliyi təyyarənin yalnız Suriya üzərindən uçduğunu, Ankara isə Su-24 bombardmançısının Türkiyənin hava məkanını pozduğunu və 10 dəfə xəbərdarlıq edildikdən sonra türk qırıcıları tərəfindən vurulduğunu bildirir.