Bakıda ənənəvi yapon musiqisi konserti keçiriləcək
Gündoğan ölkənin Odlar Yurdu ilə qovuşması adlı konsertdə yapon ifaçılar çıxış edəcək
Bakıda "Gündoğan ölkənin Odlar Yurdu ilə qovuşması" adlı yapon musiqi konserti keçiriləcək.
"Report" xəbər verir ki, Yaponiyanın Azərbaycandakı səfirliyinin və JTİ korporasiyasının dəstəyi ilə təşkil olunan konsert proqramı dekabrın 17-də Beynəlxalq Muğam Mərkəzində keçiriləcək.
Konsertdə yapon sənətçilər - Kikuçi Kouzan, Masanori Tsubaki və Omodaki Akikonun ifasında ənənəvi yapon musiqisi səslənəcək.
Dekabrın 15-də analoji konsert İsmayıllı rayonu Heydər Əliyev adına Mədəniyyət Mərkəzində keçiriləcək.
Konsertə giriş pulsuzdur.
www.ann.az