Azərbaycanın rəsmi qəzetində nüvə silahı əleyhinə şeir
08.01.2016 10:48
Rəsmi "Azərbaycan” qəzetində xalq şairi Fikrət Qocanın "Nüvə silahına və sınağına - YOX!!! – deyirik” adlı şeiri dərc edilib.
"Report” həmin şeiri təqdim edir:
Allah tozanağı yoğurdu-yapdı,
Kainat qoynunda cənnət yaratdı,
Bizi də cənnətin qoynuna atdı.
Sonra nə eylədik, biz eylədik, biz!
Göz açdıq, nə gördük, söz eylədik biz.
Zəmzəm suyumuzu buz eylədik biz.
Yorduq torpaqları duz eylədik biz,
Bu xaos dünyada meydan sulasa,
Cənnəti yenidən toz eylərik biz!
Xatırladaq ki, yanvarın 6-da Şimali Koreya hidrogen bombasını sınaqdan keçirib. Bu isə dünyanın əksər dövlətlərinin, o cümlədən ABŞ, Rusiya, Cənubi Koreya, Yaponiya, Avstraliya və s. dövlətlərin narazılığına səbəb olur.
Qeyd edək ki, bu gün Şimali Koreyanın rəhbəri Kim Çen Inın doğum günüdür. Lakin onun neçə yaşının tamam olması dəqiq bəlli deyil.
www.ann.az
Son xəbərlər 
Daha çox
Foto 
Video 
