“Elçin Şirinov Trio” Azərbaycanı Parisdə təmsil edəcək
18.02.2016 17:12
Caz pianoçusu Elçin Şirinovun rəhbərlik etdiyi Azərbaycan-Britaniya-İtaliya caz "trio"su Parisdə çıxış edəcək.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, "trio" Azərbaycanı mayın 19-dan 31-dək Parisdə XVI Sen-Jermen-de-Pre Caz Festivalında təmsil edəcək.
Qrupun çıxışı mayın 27-də Parisin "Maison des Cultures du Monde” məkanında Avropa Azərbaycan Cəmiyyətinin dəstəyi ilə reallaşacaq.
"Elçin Şirinov Trio”ya Andrea Di Biase (bass) və Deyv Hamblett (zərb alətləri) daxildir.
Elçin Şirinov dəfələrlə Avropa ölkələrində Azərbaycan bəstəkarlarının əsərləri ilə yanaşı, müxtəlif musiqilərdən ibarət konsert proqramları ilə çıxış edib.
www.ann.az
Son xəbərlər 
Daha çox
Foto 
Video 
