Türkmən qadınlarına 40 manatlıq 8 Mart hədiyyəsi

Türkmənistan prezidenti Qurbanqulu Berdiməhəmmədov Beynəlxalq Qadınlar günü münasibəti ilə ölkədəki qadınlara pul mükafatının paylanılması barədə göstəriş verib.

Oxu.Az xəbər verir ki, bu barədə "Turkmenportal” məlumat yayıb.

Sərəncama görə, mart aynın 1-dən 5-nə kimi hökumət başçısı adından qadınlara 40 manat (təxminən 11 dollar) həcmində pul mükafatı paylanacaq.

Siyahıya təqaüd və ya dövlət vəsaiti almalarından asılı olmayaraq bütün idarə, müəssisələrdə və təşkilatlarda işləyən qadınlara, eləcə də pensiya və dövlətdən yardım alanlara, aspirantura, doktorantura və tibbi rezidenturada oxuyanlara, Türkmənistan Prezidenti yanında Dövlət Xidməti Akademiyasının dinləyicilərinə, tələbələrə, məktəblilərə və uşaq bağçasında işləyən tərbiyəçilərə veriləcək.
www.ann.az