Moldova Rusiyanı "Rus Evi" ilə bağlı razılaşmanı ləğv etdiyi barədə xəbərdar edib

Moldova hakimiyyəti Rusiyanı hökumətlərarası sazişlə yaradılmış “Rus Evi”nin (Kişinyovdakı Rusiya Elm və Mədəniyyət Mərkəzi) fəaliyyətinə dair sazişin müddətinin uzadılmayacağı barədə rəsmi şəkildə xəbərdar edib.

Moldova Xarici İşlər naziri Mixay Popşoy jurnalistlərə bildirib ki, Rusiya tərəfi artıq məlumatlandırılıb və cari sazişin müddəti iyunun sonu — iyulun əvvəlində başa çatdıqda  yenidən uzadılmayacaq. Bu, mərkəzin ölkədə fəaliyyət göstərməsi üçün daha artıq hüquqi əsaslarının qalmayacağı deməkdir.

Popşoy əlavə edib ki, Rusiya beynəlxalq hüquq normalarına uyğun olaraq bu müddəalara əməl etməlidir.