ADU ilə Yaponiyanın Tsukuba Universiteti arasında əməkdaşlıq müqaviləsi imzalandı

 

O, qonağı universitetdə görməkdən məmnun olduğunu söylədi və onu universitetin rektoru vəzifəsini icra edən professor Dünyamin Yunusov adından salamladı. ADU-nun beynəlxalq əlaqələrindən danışan Ələddin Əliyev ali təhsil müəssisəsinin dünyanın bir çox nüfuzlu universitetləri ilə əməkdaşlıq etdiyini sözlərinə əlavə etdi. ADU-da mövcud olan dil və mədəniyyət mərkəzlərinin fəaliyyəti haqqında ətraflı məlumat verən Ələddin Əliyev imzalanacaq müqavilənin hər iki universitet arasında tələbə-müəllim mübadiləsinin uğurla aparılacağına xidmət edəcəyinə əminliyini ifadə etdi.

 

Prorektor Ələddin Əliyev ölkə Prezidenti İlham Əliyevin yeritdiyi uğurlu xarici siyasət nəticəsində Azərbaycan-Yaponiya əlaqələrin dinamik inkişaf etdiyini söylədi. Bu mənada o, dövlətlərarası qarşılıqlı əlaqələrin inkişaf etməsinin təhsil sahəsinə də öz töhvəsini verəcəyini qeyd etdi, həmçinin tələbələr arasında yaranan ünsiyyətin daha intensiv olacağını, elm sahəsində yaranan əlaqələrin inkişafı nəticəsində dövlətlərimizə layiqincə xidmət edə biləcəyimizi vurğuladı.

 

Səmimi qəbula görə öz minnətdarlığını ifadə edən S.Matsuşita ADU-da olmaqdan şad olduğunu bildirdi . O, təhsil sahəsində əməkdaşlığın Azərbaycan və Yaponiya arasında mədəni əlaqələri daha da möhkəmlədəcəyinə inandığını qeyd etdi. S.Matsuşita Tsukuba universitetinin Rusiya universitetləri başda olmaqla bir çox ölkələrin ali təhsil ocaqları ilə əməkdaşlıq etdiyini qeyd etdi. O, Azərbaycan universitetləri arasında ilk dəfə məhz ADU ilə müqavilə imzalanacağını vurğuladı.

 

Görüşdə gələcək əməkdaşlıq perspektivləri, ikitərəfli əlaqələrin inkişafı, birgə layihələrin həyata keçirilməsi mövzularında müzakirələr aparıldı.

 

 

Görüşdən sonra Azərbaycan Dillər Universiteti və Yaponiyanın Tsukuba Universiteti arasında əməkdaşlıq müqaviləsi imzalandı. İmzalanmış müqavilədə iki universitet arasında müəllim, tələbə və elmi əməkdaşların mübadiləsi, birgə tədqiqat, elmi konfranslar və görüşlərin təşkili, informasiya mübadiləsi nəzərdə tutulub.

 

Qeyd edək ki, görüşdən öncə Yaponiyanın Tsukuba Universitetinin Humanitar və sosial elmlər kafedrasının dosenti Sey Matsuşita ADU-nun Regionşünaslıq və Beynəlxalq Münasibətlər fakültəsinin Yaponşünaslıq ixtisasında təhsil alan tələbələrə seminar keçdi.