Prezident: "Azərbaycan-Gürcüstan münasibətləri ideal səviyyədədir"
10.03.2016 18:25
"Azərbaycanla Gürcüstan arasında ikitərəfli qarşılıqlı münasibətlərin ideal ənənəsi var. Bu gün Azərbaycan prezidenti İlham Əliyevlə görüşümüz zamanı bir daha təsdiqlədik ki, münasibətlərimiz ideal səviyyədədir".
APA-nın məlumatına görə, bunu Bakıda səfərdə olan Gürcüstan prezidenti Georgi Marqvelaşvili deyib.
Prezident bildirib ki, bu münasibətlər gələcək əlaqələrin və nəinki Qafqazda, o cümlədən geniş regionda mövcud olan imkanların inkişafı üçün mühüm əsas yaradır.
"Biz "Böyük İpək yolu"nun ən maraqlı hissələrindən biriyik. Münasibətlərimizi və əlaqələrimizi real şəkildə, nümunəvi mehriban qonşuluq və əməkdaşlıq yolu ilə inkişaf etdiririk", - deyə o vurğulayıb.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
