Obama: “Dünya bizə baxır”
16.03.2016 13:28
ABŞ Prezidenti Barack Obama onu bu postda əvəzləmək iddiasında olanları vulqar nitqdən, qəzəbli çıxışlardan çəkinməyə çağırıb, onlara "dünya bizə baxır” xəbərdarlığı edib.
"Vulqar sözlər, qadınlara və azlıqlara qarşı bölücü ritorika, bizə bənzəməyən, bizim kimi dua etməyən amerikalıları eşidirik”, Obama martın 15-də Vaşinqtonda nahar zamanı deyib.
"Dünya bizim nə dediyimizə, necə hərəkət etdiyimizə göz qoyur. Bu imicin zədələndiyini görmək istəmərik”.
Obama ad çəkməsə də, bəzi namizədlərin seçki kampaniyası zamanı əlbəyaxa davaların olduğunu, opponentlərin baxışlarının təhqirə məruz qaldığını vurğulayıb.
Prezidentin sözləri nahara qatılmış siyasi və ictimai liderlər tərəfindən alqışlanıb. Onun respublikaçılardan namizəd Donald Trump-a eyham vurması diqqətdən qaçmayıb. /Azadliq.org
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
