Ruslar Türkiyədəki Avroliqanı boykot edir

Qol.az-ın "Hürriyyət”ə istinadən yaydığı xəbərə görə, yarışda iştirak hüququ qazanan Rusiyanın iki təmsilçisi – "Yekaterinburq” və "Nadejda” klubu son vaxtlar qardaş ölkədə baş verən terror aktlarını bəhanə edərək Türkiyə getməkdən imtina edib.

Adları çəkilən klublar indi deyil, hələ lap əvvəldən yarışın Türkiyədə keçirilməsinə qarşı çıxıblar. Amma FİBA onların bu istəyini rədd edib.

Qeyd edək ki, "Fənərbaxça”nın təşkilatçısı olacağı yarışın İstanbulda keçirilməsi ilə bağlı rəsmi açıqlamanın dünən yayılacağı gözlənilirdi. Amma ruslar fikirlərindən danışdırıla bilmədiyi üçün bu açıqlama verilməyib.    

Əlavə edək ki, yarışın aprelin 15-17-də İstanbulda keçirilməsi planlaşdırılıb.