FİFA daha bir qalmaqallı iş açdı
22.03.2016 22:00
Rüşvət qalmaqalına görə bir müddət əvvəl Yozef Blatter və Mişel Platinini futboldan uzaqlaşdıran FİFA-nın etika komitəsi daha bir qalmaqal işə baxacaq.
Qol.az-ın xarici KİV-lərə istinadən yaydığı xəbərə görə, Almaniyanın rüşvət müqabilində 2006-cı ildə dünya çempionatına ev sahibliyi etməsi iddiası ilə əlaqədar komitə tərəfindən iş açılıb. FİFA-nın şübhələri əsasında başlanan bu araşdırmada 6 nəfərin adı keçir. Bunlar DÇ-2006 təşkilat komitəsinin sədri, Almaniya Futbol İttifaqının (AFİ) prezidenti Volfqanq Nirsbax, AFİ-nin sabiq baş katibi Helmut Sandrok, AFİ-nin sabiq vitse prezidenti, FİFA İcraiyyə Komitəsinin üzvü Frans Bekkenbauer, AFİ-nin sabiq prezidenti Teo Svantsiger, DÇ-2006 təşkilat komitəsinin üzvü Horst Şmidt, AFİ-nin və komitənin sabiq maliyyə direktoru Ştefan Hansdır.
Qeyd edək ki, bu məsələ ilə əlaqədar bir müddətdir ABŞ Federal Təhlükəsizlik Bürosu da araşdırma aparır.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
