Numizmatika kolleksiyası muzeyi - FOTOREPORTAJ

Bu gün biz sizinlə Gürcüstan Dövlət Muzeyinə, numizmatika kolleksiyası muzeyinə baş çəkəcəyik. Qeyd edim ki, bu incəsənət məbədi özündə bir neçə muzeyi ehtiva edir, onlardan hər biri diqqət və ətraflı öyrənmə tələb edir. Biz bu dəfə sikkələrə diqqət ayıracağıq. 

Gürcüstanda sikkələrin dövriyyəyə buraxılması son 27 əsri əhatə edir. Bunlara qədər isə insanlar natural ticarətlə məşğul olurdu. Elm adamları güman edirlər ki, ilk sikkələrin yaranması eramızdan əvvəl 7-ci əsrə, Kiçik asiya ölkəsi olan Lidiya dövrünə gedib çıxır. Sonra isə sikkələr Qədim Yunanıstanda Egina adasında peyda olub. Müasir Gürcüstan ərazisində sikkə hazırlamağa eramızdan əvvəl 6-cı əsrdə başlayıblar, o zamanlar Gürcüstan Kolxida adlanırdı. Qeyd etmək yerinə düşər ki, 1834-cü ilə qədər Gürcüstanda daimi olaraq sikkə kəsilib. 

Sikkələrdən sonra dövriyyəyə kağız pullar buraxılıb, bu isə dövlətçiliyin müəyyən mərhələ keçdiyini, inkişafını göstərir. Sikkənin pulla əvəzlənməsi iqtisadiyyatın, mədəniyyətin, ölkənin daxili və xarici siyasətinin təkmilləşdiyini göstərir. 

Gürcüstanda bu mərhələlərin tez inkişaf etməsi ölkənin strateji bölgədə, Avropa ilə Asiyanın kəsişməsində, ticarət yollarının üstündə yerləşməsi ilə izah olunur. Gürcüstan numizmatika muzeyinin kolleksiyasına 100 minə yaxın sikkə daxildir, onların böyük əksəriyyəti elə Gürcüstan ərazisində tapılıb. 

Elmi, mədəniyyəti, təhsil və maarifçiliyi təbliğ edən ANN.Az portalı oxucularını dünyanın müxtəlif şəhərlərindəki maraqlı muzey və məkanlarla tanış etməkdə davam edir. Bu dəfə Gürcüstan numizmatika muzeyindən fotoları təqdim edirik. 

Xoş seyrlər: