Ərdoğan deputatların toxunulmazlığının ləğvini tarixi hadisə hesab edir

Bu barədə Oxu.Az RİA Novosti-yə istinadən xəbər verir.

"Bu gün tarixi səsvermə olub. Mənim xalqım separatçı terror təşkilatı (Türkiyədə qadağan edilmiş Kürdüstan İşçi Partiyası – red.) dəstəkləyənləri parlamentdə görmək istəmir. İqtidar partiyası, Milli Hərəkat Partiyası "onlar burda olmalı deyillər” deyir”, - Ərdoğan ölkənin şimali-şərqində yerləşən Rizə şəhərində tərəfdarları qarşısında çıxış edərkən bildirib.

Türkiyə Parlamenti cümə günü deputatların toğunulmazlığının ləğv edilməsinə dair qanun qəbul edib, 550 parlamentaridən 376-sı qanunun qəbul edilməsinin lehinə səs verib.