Nobel mükafatçısının əsəri Azərbaycan dilində

QANUN nəşrlər evində yeni kitablar nəşr olunub. Bu,  Svetlana Aleksiyeviçin "Müharibənin qadın olmayan üzü” və Ahmet Hamdi Tanpınarın "Beş şəhər” adlı kitablarıdır. 

Müharibənin qadın olmayan üzü” romanı İkinci  Dünya müharibəsində iştirak edən yüzlərlə müharibə iştirakçısı olan qadının dilindən qələmə alınan, bədii psixoloji rənglərlə zəngin bir əsərdir. Müəllif bu romanı ilə müharibəyə olan nifrətini tam olaraq aça bilib və bütün bəşəriyyəti müharibəyə nifrət bəsləməyə səsləyib. Roman emosional duyğular, kövrək anlar, müharibə iştirakçısı qadınların müxtəlif dövrlərindən bəhs edən həyat lövhələri ilə diqqət çəkir.

Tərcümə: Əyyub Qiyas

 Ahmet Hamdi Tanpınar

 "Beş şəhər” tarixi xatirə üslubunda qələmə alınıb. Ahmet Hamdi Tanpınar bu əsərdə həyatının təsadüfləri olan Ankara, Ərzurum, Konya, Bursa və İstanbul şəhərlərindən söz açır. 

Səyahət kitabından, yaxud səyahətnamədən fərqli olaraq, yazıçı tarixi məlumat, quru gəzinti bələdçiliyi, şəhər coğrafiyasından kənara çıxır, mənəviyyat, sənət, estetika, mədəniyyət və elm xəzinəsinə müraciət edir.

"Beş şəhər” əsəri, əslində, köhnə ilə yeninin daimi toqquşmasından bəhs edir. Tanpınar xatirələriylə zənginləşdirdiyi keçmişə bu günün pəncərəsindən baxır.

Tərcümə: Nəriman Əbdülrəhmanlı