Vens: İslamabadda ABŞ–İran danışıqlarından müsbət nəticə gözlənilir

ABŞ-ın vitse-prezidenti J.D. Vance İslamabadda ABŞ və İran nümayəndə heyətləri arasında keçiriləcək danışıqlardan müsbət nəticə gözlədiyini açıqlayıb. 

Vens bu açıqlamanı Pakistana səfərindən əvvəl keçirilən mətbuat konfransında verib.

“İslamabaddakı danışıqların nəticələrinin müsbət olacağını gözləyirəm”, –  o bildirib.

Məlumata görə, vitse-prezidentin əvvəllər İran münaqişəsi ilə bağlı sərgilədiyi mövqe onu Pakistan üçün məqbul fiqura çevirib. Bu səbəbdən Pakistan rəsmilərinin ABŞ prezidentinin elçisi Steve Witkoff vasitəsilə Vensin danışıqlara cəlb olunmasını istədiyi bildirilir.

Daha əvvəl ABŞ prezidenti Donald Trump İrana qarşı hərbi əməliyyatlarda iki həftəlik fasilə elan edib. Tehran isə müəyyən şərtlər daxilində əməliyyatları dayandırmağa hazır olduğunu bildirərək Hörmüz boğazında gəmiçilik üçün müvəqqəti rejim tətbiq edib.

Media məlumatlarına görə, ABŞ–İran danışıqlarının aprelin 11-də Pakistanın paytaxtı İslamabadda başlanması planlaşdırılır.

Aytac