Avropa çempionatının ilk yarımfinalçısı məlum oldu
01.07.2016 08:59
Fransada keçirilən futbol üzrə Avropa çempionatının ilk yarımfinalçısı məlum olub.
Oxu.Az xəbər verir ki, Marselin "Velodrom” stadionunda Portuqaliya yığması Polşa millisi ilə qarşılaşb.
Hesabı 2-ci dəqiqədə Robert Levandovski açıb. Pireney təmsilçiləri Renato Sançezin 33-cü dəqiqədə vurduğu qol ilə oyunda bərabərlik yaradıblar.
Matçın əsas hissəsi 1:1 hesabı ilə başa çatıb. Oyunun əlavə olunmuş dəqiqələrində hesab dəyişməyib və hakim 11 metrlik cərimə zərbələri seriyası təyin edib.
Penalti seriyasında daha dəqiq olan Portuqaliya yığması (5:3) adını yarımfinala yazdırıb.
Yarımfinal mərhələsində Kriştiano Ronaldonun komandası Uels-Belçika cütlüyünün qalibi ilə qarşılaşacaq.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
