ADB Azərbaycana yeni iri kredit ayıracaq
16.08.2016 13:30
Asiya İnkişaf Bankı (ADB) Azərbaycana hökumətinə 200 mln. ABŞ dolları həcmində kreditin ayrılması məsələsini nəzərdən keçirəcək.
"Report” xəbər verir ki, bu barədə Bankın rəsmi saytında məlumat yerləşdirilib.
Bankın yaydığı məlumatda həmin vəsaitin Şimal-Cənub dəmir yolu layihəsinin reallaşdırılması, həmçinin Azərbaycanın dəmir yolu təsərrüfatının inkişafı üçün ayrıldığı qeyd edilib.
Ayrılacaq vəsait Şimal-Cənub nəqliyyat dəhlizinin Bakı-Yalama (Rusiya ilə sərhəd) xəttinin yenidən qurulması, kompüter, yükdaşıma və əməliyyat sistemlərinin yenidən qurulması və s. işlər üçün istifadə ediləcək.
Məlumatda qeyd olunur ki, bu il noyabrın 12-15-də ADB-nin missiyası layihə üzrə məlumat almaq məqsədi ilə Bakıda səfərdə olacaq.
Bankın açıqlamasında deyilir ki, dekabrın 12-də yekun müzakirələr keçiriləcək, lakin kreditin təsdiqinin tarixi isə hələlik məlum deyil.
Qeyd edək ki, ADB ötən ilin aprelində Şimal-Cənub dəmiryolu layihəsinin satınalma planını açıqlamışdır.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
