Azərbaycan "Köçərilər Oyunları"nda 15 medal qazandı

Qırğızıstan səfirliyindən APA-ya daxil olan məlumata görə, sentyabr ayının 3-dən 8-dək Qırğızstanın Çolpon-Ata şəhərində "II Ümumdünya Köçərilər Oyunları” keçirilib. Oyunlara 62 ölkədən 500-dən çox idmançı qatılıb.

Tədbirdə Qırğızıstan prezidenti, Prezident Aparatının, hökumətin və parlamentin yüksək vəzifəli şəxsləri iştirak edib.

İdmançılarımız köçərilər oyunlarında uğurla çıxış edərək 62 ölkə arasında 15 medal (4 qızıl, 4 gümüş, 7 bürünc) qazanaraq 5-ci yeri tutub.

Azərbaycan nümayəndələri həmçinin, mədəni tədbirlərdə də iştirak edib.

Qeyd edək ki, 2013-cü ilin avqust ayının 16-da Qəbələ şəhərində keçirilən Türkdilli Dövlətlərin Əməkdaşlıq Şurasının Dövlət Başçılarının III Sammitində qəbul olunan qətnaməyə əsasən 2014-cü ildən başlayaraq Ümumdünya Köçərilər Oyunları keçirilməyə başlanıb.