“Xəzər Lənkəran” qayıdır - 3 komanda ilə

Ötən mövsümün yekunlarına əsasən Premyer Liqada yerini itirən "Xəzər Lənkəran” əsas komandasının fəaliyyətini dayandırmışdı. Hələ o vaxt məlumat verilmişdi ki, uşaq komandaları çıxışlarını davam etdirəcəklər.

Artıq uşaq futbol liqalarında yeni mövsüm başlayır. Bəs, "Xəzər Lənkəran”ın komandaları bu yarışlara qatılacaqmı? ANN.Az sportal.az-a istinadən xəbər verir ki, cənub təmsilçisi uşaq liqalarında 3 komanda ilə təmsil olunacaq. Bunlar U-11, U-14 və U-17 komandalarıdır. U-17 komandası barədə onu da deyək ki, heyətdə yalnız 17 yaşlılar deyil, həmçinin 15,16 yaşlı futbolçular da var.

Qeyd edək ki, son illər "Xəzər Lənkəran”ın futbol akademiyasına rəhbərlik edən İlhan Akğül ötən mövsümün sonunda klubdan ayrılıb. O, Türkiyəyə qayıdıb.



www.ann.az