Baş məşqçi: "Meydana çıxıb o topu tuta bilmərəm"

ANN.az-ın "Report"a istinadən yaydığı xəbərə görə, 46 yaşlı mütəxəssis istənilən səhvin qapılarına qol vurulması ilə nəticələnən mərhələdə olduqlarını bildirib.

O deyib ki, Ağayev şanssızcasına top buraxmasının üzüntüsünü yaşamaqla yanaşı, komandasının ən azı heç-heçəyə nail olmasına çalışıb:

"Amma mən meydana çıxıb topu tuta bilmərəm. Öyrənməli və üzərində işləməli olduğumuz məsələlər var. Futbolçularımın dəyərli olduqlarına hələ də inanıram. Çünki biz uzun yolun başlanğıcındayıq".

Qeyd edək ki, "Portu"nun 3:1 hesabı ilə qalib gəldiyi matçda Kamran Ağayev "Boavişta"nın heyətində ilk oyununa çıxıb. O, 3-cü qolu kobud səhvi nəticəsində buraxıb. "Portu"nun futbolçusu Aleks Tellesin cinah asmasından sonra Kamran Ağayev topu əlində saxlaya bilməyib. Nəticədə top qapı dirəyinə dəyərək, tora daxil olub.