Ronaldu Zidandan klub prezidentinə şikayət edib

"Report"un "Madrid-barcelona"ya istinadən verdiyi məlumata görə, portuqaliyalı hücumçu şikayətini klub prezidenti Florentina Peresə ünvanlayıb.

Klub prezidentin "Əsəbiləşməyindən xəbərim var" məzmunlu cavab mesajı da Ronaldunu sakitləşdirməyib. O, işlərin belə davam etməyəcəyini, düzgün yolda olmadıqlarını söyləyib.

Qeyd edək ki, baş məşqçi Zinəddin Zidan Ronaldunu La Liqanın VI turunda "Las Palmas"la (2:2) səfər oyununun 72-ci dəqiqəsində əvəzləyib. Buna qəzəblənən Ronaldu Zidanı söyüb. Oyun sonrası mətbuat konfransında Zidan portuqaliyalının daha vacib olan Çempionlar Liqasına saxladığını bildirib.