Qiymət artımı "Azercell"in tariflərinə təsir edəcək?
29.11.2016 13:20
"Tarif Şurasının verdiyi qərardan sonra təbii olaraq, bizim də xərclərimiz artacaq. Ancaq bunun qiymətlərə təsiri olmayacaq”.
ANN.Az xəbər verir ki, bunu Azercell Telecom şirkətinin prezidenti Vahid Mürsəliyev jurnalistlərə açıqlamasında deyib.
Onun sözlərinə görə, hazırda dünyada iqtisadi problemlər yaşanır:
"Ölkəmiz üçün də bu problemlər qaçınılmaz deyil. İri şirkət olduğumuzdan bu vəziyyətdən kənarda qala bilmərik. Buna baxmayaraq, xərclərimizi düzgün idarə etməyi bacardığımızdan, qiymətlərdə heç bir dəyişiklik baş verməyəcək”.
Vahid Mürsəliyev bildirib ki, "Azercell” 2017-ci ildə abunəçilərə 15 milyon manatlıq smartfon təqdim edəcək.
Şirkət prezidentinin sözlərinə görə, smartfonların əksəriyyəti "İPhone” modeli olacaq:
"Növbəti il 15 mln. manatlıq smartfon gətirib abunəçilərimizə müxtəlif kampaniyalar çərçivəsində paylamaq istəyirik ki, onlar da mobil internetdən istifadə edə bilsinlər”.
Vahid Mürsəliyev bildirib ki, bu il ilkin mərhələdə 2 minə qədər "İPhone 7” smartfonunun abunəçilərə verilib.
Orxan Aslanlı
Oxşar xəbərlər
Oxşar xəbərlər
Foto 
Video 
