Nigar Arpadarai: "Gecə yarışları əlavə xərcdir"
29.05.2020 11:08
""Formula 1" yarışları çərçivəsində yaxın 3-4 ildə gecə yarışları keçirməyi düşünmürük".
ANN.Az xəbər verir ki, bunu Baku Grand Prix Şirkətinin marketinq və kommunikasiya şöbəsinin müdiri Nigar Arpadarai deyib. Onun sözlərinə görə, gecə yarışları əlavə xərc tələb etdiyindən, gecə yarışları növbəti illərdə keçirilməyəcək.
N. Arpadarai əlavə edib ki, Avropa Qran Prisinə hazırlıq prosesi 783 gün davam edib. Yarışlara 47 ölkədən azarkeşlər gəlmişdi:
"Ötən il tikinti işləri aparıldı, yollar düzəldildi. Lakin bu il iş daha az olacaq. Yalnız İçərişəhərdə qəmbər daşları örtüləcək. Keçən yarışda da strategiyamızı quranda əyləncə axtaran insanları da nəzərə almışdıq. Müxtəlif maraqlı əyləncə proqramları və dünya ulduzlarının iştirakı nəzərdə tutulub. Yarışlarda səfirlər də iştirak edəcək”.
"Bu il ölkəmizə gələn turistlərin sayı dəfələrlə artıb. Tras ətrafında olan kommersiya məqsədli obyektlərin sahibləri ilə görüşlərimiz olacaq. Ölkəmizdə daimi trek yoxdur. Bunun tikilmə və saxlanılma xərci çox böyükdür. İndi isə xərcimiz çox azdır. İlk yarışda olduğu kimi yerli səfirlər də bizimlə olacaq. Trasın konfuqrasiyasında isə heç bir dəyişiklik olmayacaq", - deyə N. Arpadarai əlavə edib.
Orxan Aslanlı
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
