"Nazirlik "quş qripi"nə biganə yanaşır" - Eyyub Hüseynov

Bu barədə ANN.Az-a "Azad İstehlakçılar” İctimai Birliyinin (AİİB) sədri Eyyub Hüseynov məlumat verib. 

 

 

"Son günlər istehlakçılar AİİB-ə apteklərdə satılan, əslində, dövlət qeydiyyatına alınmayan dərmanların içliyinin milli dildə olmamasından şübhələnərək, dərmanları AİİB-ə gətirib araşdırma tələb ediblər. Bakı şəhər sakini S. Məmmədova satışda olan bitki yağlarının tərkibinin araşdırılmasını, Göyçay sakini E. Qasımov istehlak edərək zəhərləndiyi, Yevlax rayonunda qablaşdırılan "Yağlı quru süd”ün tərkibinin araşdırılmasını və s. istəyiblər. Əhali Tarif Şurasının kommunal xərclər üçün müəyyən etdiyi limitin artırılması istəyini bunun bütün istehlakçıların həyatına mənfi təsir edəcəyi barədə də müraciətlər edirlər. AİİB-in müşahidələri göstərir ki, son 20 gündə ət 30%, kərə yağı 13%, şəkər tozu 13%, quru meyvələr ümumilikdə, 40% - 50%, düyü 25% bahalaşıb. Sonuncuların qiymətində Novruz bayramı ərəfəsində keçən ilə nisbətən 70%-ə qədər qalxma gözlənilir”. 

 

 

"Manatın dollara nisbətdə devalvasiyası malların, xidmətlərin qiymətində artımla nəticələndiyi üçün istehlakçıların büdcəsinə ciddi təsir edir. Hazırda 1 nəfərin istehlak səbəti 200 AZN ətrafındadır. AİİB AR Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşdirilən "İstehlakçı maarifçiliyi ilə ölkə prezidentinin ictimai nəzarətə dair çağırışlarına dəstək tədbirləri” layihəsi çərçivəsində 06.12.2016 tarixdə Beyləqan və Cəbrayıl rayonlarında əhali ilə görüşlər keçirib, maraqlı qruplarla təlim keçirərək, istehlakçı hüquqlarının qorunması sahəsində ictimai nəzarəti həyata keçirərək, süni qiymət artımı, təhlükəli malların satılması amillərinə qarşı istehlakçı fəallığının artırılması işlərini həyata keçirib”, deyə E. Hüseynov əlavə edib.