İlham Əliyev Bolqarıstanın vitse-prezidentini qəbul etdi - YENİLƏNİB
16.12.2016 11:16
Azərbaycan prezidenti İlham Əliyev Bolqarıstanın vitse-prezidenti Marqarita Popovanın başçılıq etdiyi nümayəndə heyətini qəbul edib.
Dövlət başçısı Azərbaycan ilə Bolqarıstan arasında münasibətlərin çox yüksək səviyyədə - dostluq və tərəfdaşlıq səviyyəsində olduğunu vurğulayıb.
Marqarita Popovanın Azərbaycana səfərlərinin əhəmiyyətini qeyd edən prezident İlham Əliyev onunla keçirdiyi son görüşü məmnunluqla xatırlayıb. Dövlət başçısı Bolqarıstanın vitse-prezidentinin Azərbaycana səfərinin uğurlu olacağına və ölkələrimiz arasında münasibətlərin möhkəmləndirilməsi işinə xidmət edəcəyinə ümidvar olduğunu bildirib.
Ölkələrimiz arasında müxtəlif sahələrdə, o cümlədən hüquq və mədəni sahələrdə əlaqələrin inkişafı üçün yaxşı imkanların olduğunu vurğulayan Bolqarıstanın vitse-prezidenti Azərbaycanda tətbiq edilən şəffaf idarəçiliyin, o cümlədən "ASAN xidmət”in Bolqarıstanda böyük maraq doğurduğunu deyib və bu sahədə əməkdaşlığa önəm verdiklərini qeyd edib.
Görüşdə Azərbaycan ilə Bolqarıstan arasında əməkdaşlığın enerji, hüquq, mədəniyyət və digər sahələrdə genişləndirilməsi və qarşılıqlı təcrübə mübadiləsi ilə bağlı məsələlər ətrafında fikir mübadiləsi aparılıb.
***
Azərbaycan Respublikasının Prezidenti İlham Əliyev dekabrın 16-da Bolqarıstanın vitse-prezidenti Marqarita Popovanın başçılıq etdiyi nümayəndə heyətini qəbul edib.
ANN.Az xəbər verir ki, bu barədə məlumatı prezidentin mətbuat xidməti yayıb.
www.ann.az
Oxşar xəbərlər
Oxşar xəbərlər
Foto 
Video 
