Zakir Həsənov Liviyaya başsağlığı verib

Azərbaycanın müdafiə naziri general-polkovnik Zakir Həsənov Liviya Dövlətinin Baş naziri – müdafiə naziri Abdülhəmid Dibeybəyə başsağlığı verib.Bu barədə Müdafiə Nazirliyindən məlumat verilib.

Həsənov məktubunda Türkiyədən rəsmi səfərdən qayıdan Liviyanın Baş Qərargah rəisi, ordu generalı Məhəmməd Əli Əhməd Əl Haddad və digər heyətin qəzada həlak olması xəbərindən dərin kədər hissi keçirdiyini bildirib. O, ailələrə səbir diləyərək Allahdan rəhmət diləyib.