Beynəlxalq gənclər təşkilatının icraçı direktoru ilə görüş

Səfər MDB, Baltikyanı və Qafqaz ölkələrinin gəncləri arasında əməkdaşlıq əlaqələri qurulması və mövcud əlaqələrinnin təkmilləşdirilməsi məqsədilə həyata keçirilib.

Səfəri çərçivəsində "Sodrujestvo” beynəlxalq gənclər təşkilatının icraçı direktoru Azərbaycan Respublikası Gənclər və İdman Nazirliyi və Azərbaycan Respublikası Prezidenti yanında Gənclər Fondunun rəhbər şəxsləri ilə görüşüb. Görüş zamanı ölkələr arası gənclər siyasətindən danışılıb və əməkdaşlıq əlaqələrindən bəhs olunub.

Səfəri çərçivəsində növbəti görüş dəyirmi masa formatında ARGTMŞ Gənclər Evində Milli Şuranın üzvü olan gənclər təşkilatları ilə keçirilib. Dəyirmi masada ilk öncə Beynəlxalq təşkilat haqqında ətraflı məlumat verilib. Təşkilatın 2016-cı il üzrə əsas gördüyü işlərdən danışılıb növbəti illər üçün planlaşdırdığı layihələr haqqında məlumat verilib. Daha sonra MDB gəncləri arasında əməkdaşlığın artırılması üçün şəraitin yaradılması və gənclərin fəallığın artırılması mövzusunda müzakirələr aparılıb.

Xatırladaq ki, "Sodrujestvo” beynəlxalq gənclər təşkilatı gənclərin qanuni hüquqlarını və maraqlarını qorumaq, Avrasiya məkanında MDB ölkələri və digər üzv təşkilatların gəncləri arasında qarşılıqlı anlaşma, əməkdaşlıq və dostluq əlaqələrinin yaranmasına təşviq etmək məqsədilə yaradılıb.