ABŞ İŞİD-i dünyanın ən böyük qeyri-nüvə bombası ilə vurub
14.04.2017 20:40
Həmid Kərzayi hücumu "qeyri-insani və ölkəyə qarşı ən qəddar sui-istifadə” kimi qiymətləndirilib
ABŞ hərbi qüvvələri öz arsenalındakı ən qüdrətli qeyri-nüvə bombasından Əfqanıstanda İŞİD-in yeraltı kompleksi üzərində istifadə edib.
ANN.Az "BBC”ə istinadən xəbər verir ki, bomba Əfqanıstanın nanqarhar əyalətində İŞİD terror təşkilatı tərəfindən istifadə edilən tunelə atılıb.
Əfqanıstan müdafiə nazirliyindən verilən məlumata görə, partlayış mülki əhaliyə ziyan vurmayıb.
Əfqanıstanın sabiq prezidenti Həmid Kərzayi hücumu "qeyri-insani və ölkəyə qarşı ən qəddar sui-istifadə” kimi qiymətləndirilib.
Bombardman nəticəsində terrorçulara məxsus silahların da məhv edildiyi qeyd edilib. Prezidentin sözçüsü Şah Hüseyn Murtazavi bildirib ki, məhv edilən terrorçular arasında İŞİD komandiri Siddiq Yar da olub.
11 ton ağılığında olan bomba "Kütləvi Sursat Hava Partlayışı” (MOAB) adlanır. Öz akroniminə görə ABŞ Hava Qüvvələri bu bombanı "Bütün Bombaların Anası” – (Mother of All Bombs) adlandırır.
Pentaqon sözçüsü Adam Stamp ilk dəfədir ki, ABŞ-ın bu bombadan döyüş zonasında istifadə edildiyini bildirib.
www.ann.az
Oxşar xəbərlər
Oxşar xəbərlər
Foto 
Video 
